Dr. Rexhep Murtez Shala geboren 1958 in Trudë / Kosova, vom Beruf Prof. Dr. der Philologischen Fakultät in Prishtina - Republik Kosova e-mail: shala@shqip.de

Fushat e studimeve të tij (dhe e ligjerimit) janë:
1.Teoria e letërsisë
2.Analiza e tekstit

Rexhep Murtez Shala
gjithashtu është edhe shkrimtar, kryesisht shkruan prozë.

Publikimet e tij janë:

1. Shala, Rexhep M.:"EX LIBRIS-moderna
pashkiane", PAPYRUS, Prishtinë, 2000

Në këtë studim shtrohen probleme: modelimi i
tekstit, pikëshikimi modelues modern, çështje të
narratologjisë si dhe aplikimi i tyre në veprën e
Pashkut...

2. Shala, Rexhep M.: "CD LIBRIS- antidrama e
autorit", PAPYRUS, Prishtinë, 2001

Libri ka strukturë post-moderne mixte midis eseut
dhe intervistës së improvizuar me krijuesin A. Pashku,
me ç'rast interpretohet botëkuptimi i krijuesit mbi
botën dhe letërsinë..

3. Shala, Rexhep M.:"THEORY-komunikimi modern",
PAPYRUS, Prishtinë, 2001

Studimi shtron kategoritë themelore të teorisë së
komunikimit modern siç janë kultura e sjelljes,
kultura e sjelljes moderne, dhe komunikimi modern...

4. Shala, Rexhep M.:"PAPA-global wor(l)d",
PAPYRUS, Prishtina, 2002

Ky është roman prej 393 faqesh ku shtrohet para së gjithash e kaluarja, e tashmja dhe e ardhmja e njerëzimit në luftën e përhershme midis të mirës dhe të keqës, midis globalizmit dhe antiglobalizmit, midis gjeneratës njerëzore dhe trajtave serike të klonuara, midis krijuesit dhe antikrijuesit etj.

5. 'Notes- teoria e metakomunikimit' 

'Notes- teoria e metakomunikimit' është një ditar i meditimit mbi teorinë, krijimin dhe komunikimin si model triadik i metakomunikimit; në esencë: a) nuk ekziston rregull që nuk e përligjë një modalitet të krijimit ose një projeksion të modalitetit të krijimit; b) nuk ekziston krijim, i cili nuk e përmban së paku një ligjësi; që nuk krijohet mbi një sistem rregullash, pavarësisht a janë ato neokonvenca intencionale të krijuesit, apo konvenca/arhikonvenca të përsëritura përmes imitimit; dhe c) nuk mund të paramendohet komunikimi që do ta përjashtonte ligjësinë- si kodifikim dhe krijimin- si proces të prodhimit të formave dhe të përmbajtjeve; në këtë kauzalitet dinamik verifikohet dhe kodifikohet natyra e teorisë, e krijimit dhe e komunikimit në suaza të teorisë së metakomunikimit...